Barundi
Barundikazi
Banyakazi ,
Namwe mutagira akazi,
Ndabaramukije amahoro, iteka n’iterambere !
Munkundire dusubire twibukanye gatoya, ibituma umusi mpuzamakungu wahariwe akazi n’abakozi kw’isi, wama wahimbajwe itariki ya mbere Rusama.
1. Uyu musi si umusi mukuru usanzwe, ni umusi w'ukwibuka abantu, abanyakazi benshi batakaje ubuzima bwabo, bariko baragwanya agacinyizo, bakorerwa n'abakoresha babo, baba abantu ku giti cabo, canke Reta. Ako gacinyizo kari gahagaze canecane, ku masaha y'umurengera abanyakazi bakora ku musi, henshi yararenga 16 ; abakozi bagahembwa intica ntikiza, abakenyezi bakora ijoro n'umutaga, n'abana b'imicuko barimwo. Akaja nk’ako, ko gufata nabi abakozi, ari bo banyagihugu, ntikari i Buraya canke Amerika gusa, kari no mu bihugu vyari mu ntwaro za gikoroni.
2. Imbere y’intwaro za gikoroni, Abanyafirika benshi baragizwe abaja, abakoroni babatwara ku nguvu kuja kubarimira, no gucukura ubutare muri Amerika. Muri abo, benshi cane, imiriyoni n’imiriyoni barahasize agatwe. Ivyo ni vyo vyatungishije, ibihugu vy’i Buraya na Amerika. Ariko n’ubu, ibikorwa bigayitse nk’ivyo biracabandanya, mu bihugu vyinshi canecane muri Afirika, bihagarikiwe na ya masosiyete mpuzamakungu, bita « multinationales ». Ngira muramaze kwumva amahano akorerwa abakenyezi, canke abana, mu bikorwa vyo gucukura ubutare nk’aho, hakurya mu gihugu ca Kongo… Amahera umurengera avuye muri ubwo butare, igice kinini gitwarwa n’ayo masosiyete mpuzamakungu, ayasigaye aherera mu mipfuko y’akagwi k’abantu bari ku rushi. Deniza Nkurunziza yabise « abarundarundanya amatungo ». Maze bakayanyegeza, mu mabanki yo hanze, ayandi bakayimbira mu mazu yabo, kurya muheruka kuvyumva muri Sudani, aho basanze mu nyubakwa y’uwahoze ari umukuru w’igihugu, imiriyoni 130 z’amadolari y’amanyamerika. Ayandi ni, ivyo bizu vy’amagorofa mubona hirya no hino mu bisagara, canke ku mpinga z’imisozi, na Reta ari Reta idashobora kwiyubakira ! Uko ni ko barya imitsi abakozi, bakanunuza igihugu cotunze abanyagihugu baco bose, kurya kw’inyondwi canke uruguhe rununuza amaraso y’inka.
3. Ku wa mbere Rusama 1886, ni ho abakozi biha amabarabara, kugira bagaragaze akababaro kabo, hariya i Chicago, mu gihugu ca Reta Zunze Ubumwe za Amerika. Ico gihe, Reta yabashuhuriyeko abaporisi, maze birara mu banyagihugu, abantu benshi barahasiga agatwe. Uyu musi rero, ni umusi mu bihugu vyinshi, abakozi bigina intsinzi bashitseko, mu kworoherezwa mu buzima bwabo nko: kuduza imishahara, kuvurwa ku buntu, kugabanura amasaha y'umurengera ku kazi, kubunguruza bagiye ku kazi, kugabanura ikori ku bakozi batobato, gufuta ubugererwa, gufata mu mugongo abarimyi n'aborozi, mu kugabanura ibiciro vy'ibikoreshwa mu ndimo nko kubaronsa amase, kubigisha ubuhinga bwo kurima, no kworora kijambere, tutibagiye kubaronsa imbuto zirobanuye, gukwiza umuyagankuba n'amazi meza ku banyagihugu, kwigisha abana ku buntu gushika iyo biyumva, kugwanya ubushomeri n'ibindi. Abakozi n’abanyakazi, ni bo bagiye imbere y’abandi banyagihugu, mu guharanira ukwikukira kw’ibihugu vy’Afrika
Bagumyabanga mugize Komite nkuru y’umugambwe,
Bagumyabanga murongoye intara
Bagumyabanga murongoye Umuhari w’abagumyabuntu FFD
Bagumyabanga murongoye Umuhari w’urwaruka JPD-INTEBUTSI
Bagumyabanga mwaserukiye abandi mu buryo butandukanye
Bagumyabanga muserukira CNDD mu bindi bihugu
Ndabaramukije Amahoro Iteka n’Iterambere n’umutima wuzuye urukundo n’inkumbu nyinshi cane !
Imbere y’ukugira ikindi ndabashikiriza, nagira, kw’izina rya Komite Nkuru y’umugambwe wacu CNDD, no kw’izina ryanje nyene, nsubire kubipfuriza mwese, umwaka mwiza muhire mushasha wa 2019. Muze muwugiremwo amagara meza, amahoro n’iterambere mu ngo zanyu, eka n’igihugu cacu kibonereho kuva mu magume, amaganya n’ubukene ntangere kirimwo, gisubire kuramutswa amahoro na Demokarasi, yo soko y’iterambere kuri bose.
Inyuma y’ako kajambo ko kubipfuriza umwaka muhire mushasha, reka duce ku mayange amakuru y’irya n’ino na canecane ayajanye n’ubuzima bw’igihugu cacu n’ingene twonagura tugatsimbataza umugambwe wacu CNDD.
1. Nk’uko mubizi mukama munavyumva ku maradiyo, igihugu cacu kiri mu magume n’ingorane vy’umurengera. Sinokwirirwa ndabigarukako, kuko mubibamwo. Ubukene bwarazingamitse igihugu, agatotezo ko mu buryo bwose aho kugabanuka, vyose biguma vyiyongera. Abategetsi barishize hejuru y’amategeko, ariko rero gahebuza mu Burundi, ivy’ihonyangwa ry'agateka ka muntu bikorwa n’abutegetsi, bufadikanije n'umugwi w'imbonerakure wegamiye umugambwe uri ku butegetsi, ntibikigira urugero n'urupimo. Nta musi wijana batihaye ibara, kugeza n’aho abanyagihugu bivugira ngo “erega badukubise kandi Atari imbonerakure”! Nk’uko umengo gukubagurwa n’imbonerakure biremewe n’amategeko! Iryo ni ibara. Ivyo bikaba vyarunyutse kuva mu 2015, igihe Nkurunziza yiyongera ku nguvu manda ya gatatu, ahonyanze Amasezerano y’i Arusha n’Ibwirizwa Shingiro riyakomokako. Abatishwe baranyuruzwa, ntumenye irengero ryabo, abandi bagafatwa bagapfungwa, abandi barataye izabo bahungira mu bindi bihugu, ubu bakaba bararenga 500.000. Ngira mwarumvise ivyashikirijwe muri raporo y’umugwi wigenga wa ONU ujejwe itohoza ku vyerekeye agateka ka muntu mu Burundi. Iyo raporo ikaba ivuga yuko ihonyangangwa ry’agateka ka muntu ritera ryiyongera.
2. Bagumyabanga dusangiye ugupfa n’ugukira, n’aho ibintu bimeze uko, turabona, turumviriza abarundi, ntibarashika ku rugero rwo kwihebura. Murumva ko hirya no hino bacinanata, bakadoma urutoke ku bitagenda neza mu kwiyamiriza intwaro y’umukazo. Umugambwe wacu na wo nyene urafise ingorane zifatiye ku bukene, ku mwuka uri mu gihugu urangwa n’umutekano muke n’iterabwoba. Hirya no hino usanga ahatari hake, imigambwe itavuga rumwe n’uwuri ku butegetsi idashobora gukora uko vyategerezwa, kubera abategetsi bayiburagiza. Ariko n’aho ibintu vyifashe uko, ndashimiye cane abagumyabanga ba CNDD na canecane ababarongoye kuko ni bake cane muri bo bataye umurongo, bagumye mu muco aho kwiroha mu mwijima kubera amaronko canke ubwoba.
Turazi neza yuko benshi muri mwebwe murongoye umugambwe mu ntara, mwipfuza kandi musaba ko indongozi za CNDD zohaguruka maze zigatunganya ibikorwa vy’umugambwe; inzego kuva hasi gushika hejuru zikanagurwa zigasubira gukora, amanama agatunganywa. Nkako, burya inzego ni zo mutima n’imoteri vy’umugambwe. Ico gikorwa kiraturaba twese kuko ni umurimo mwitumo.
Bujumbura, le 16/03/2019
Le parti Conseil National pour la Défense de la Démocratie,CNDD en sigle,conscient de l’importance des enjeux du moment,porte à la connaissance de l’opinion la déclaration suivante:
Bagumyabanga ba CNDD
Bagumyabuntu ba FFD
Namwe Ntebutsi za JPD
Barundi,
Barundikazi,
Bagenzi mwese, ncuti za CNDD,
Ubwa mbere na mbere, nagomba kubatura indamutso, y’urukundo ivuye ku mutima: Nti nimusangwe amahoro, iteka, itekane n’iterambere kuri bose!
Muri ibi bihe vyo gusozera umwaka, n’ugutangura umushasha, nagira rero, kw’izina ry’umugambwe wacu CNDD, ku ry’umuryango wanje, no kw’izina ryanje nyene, ndabipfurize mwese, Inweri nziza cane, n’umwaka mwiza muhire mushasha wa 2019. Muze muwugiremwo amagara meza, amahoro n’iterambere, mu ngo zanyu, eka no mu gihugu cacu, muri Afrika no kw’isi yose !
Bagumyabanga mwese, Barundi, Barundikazi, Ncuti z’Umugambwe wacu CNDD,
Muri ibi bihe nyene, vy’ukwipfurizanya umwaka mushasha mwiza, ntawosiga inyuma kwirimbura, no gukubitiza akajisho aho umuntu ageze, haba mu buryo abayeho, ku giti ciwe, canke mu rugo, tutibagiye ivy’ igihugu cacu. Maze tukaboneraho, gutereza amaso imbere, kuri kazoza kacu, ka hafi mbere n’aka kure.
Munkundire rero, tubice ku mayange.
1. Ba sokuru ni bo bayamaze bati, “Inda woyibaza uwayirayeko, vyongeye bati “Amagara aca mu kanwa”. Twese twipfuza kubaho tugononokewe, turi mu gihugu umuntu yishira akizana, aserura ivyiyumviro vyiwe adakebaguzwa, mu kubanza kuraba abo bari kumwe, akaja mw’idini yitoreye, mw’ishirahamwe canke mu mugambwe yipfuza, ata gahato. Mu ncamake, mu gihugu agateka ka muntu kubahirizwa n’intwaro iba ihari, maze n’abanyagihugu bose bakavyigishwa, bakabigendera. Mu ntwaro zimaze kuboneka kuri iyi si, intwaro ya Demokarasi, ni yo ishira imbere iyo ngendo. Ni na yo Nyenicubahiro Ndadaye Melikiyoro yazize, akatubera incungu ya Demokarasi. Amaze kugandagurwa n’abaterekwa iyo ntwaro, ni co cadutumye tuvira hasi rimwe, mbere tugatanguza urugamba ruhambaye, rw’iteka ntangere ku gihugu cacu no mu makungu, ata yindi ntumbero twari dufise, atari uguhabuza iyo ntwaro, ya Demokarasi yari igomba kunigirwa mu menshi.
LES FAITS.
1. En date du 11 Octobre 2018, le Ministre de la Santé publique et de la lutte contre le SIDA, Thaddée NDIKUMANA accompagné des agents de police, des journalistes et certains agents de l’administration ont procédé à la fermeture des bureaux et laboratoire d’un certain Alexis HARIEMENSHI, chercheur naturopathe accusé de violer les lois du pays.
2. Le Parti CNDD rappelle que Alexis HARIMENSHI, un rescapé des massacres des quartiers du nord de la capitale des années 90 a dû abandonner les études, comme beaucoup d’autres burundais. Il a dû chercher des moyens à lui seul pour les reprendre, mais cette fois-ci en ligne. C’est une personne courageuse et persévérante et cette qualité n’est pas donnée à tout le monde.
C’est un autodidacte qui a bien assimilé beaucoup de connaissances en naturopathie et en médecine Burundaise. Grâce à ses activités de recherche, Alexis HARIMENSHI a réussi à promouvoir :
-la transformation et l’usage des produits agricoles locaux pour en faire des compléments alimentaires
-la culture des papayes en créant de l’emploi (à travers la culture, la récolte et même la transformation).
Alexis a pu mettre les progrès de la science au service de la société. Ainsi il conduit des études de recherche et dispense la formation à des personnes intéressées, il organise aussi des conférences locales et participe à des colloques internationaux sur la santé, il collabore avec d’autres centres de recherche et nutritionnistes, etc.
3. Une vérité indéniable aujourd'hui comme hier, c’est grâce aux hommes et femmes de sciences très dévoués et passionnés comme Galilée, Newton, Marie Curie, Albert Einstein ou Cheick Anta Diop que le monde a réalisé des progrès scientifiques et technologiques spectaculaires…. Par ses réalisations, Alexis HARIMENSHI compte parmi les grands scientifiques et de ce fait honore le Burundi notre pays et notre continent l’Afrique depuis l’année 2002.
4. Le régime du Burundi est en train de détruire sa propre indépendance, en interdisant des initiatives de création et d’innovation comme celles d’Alexis HARIMENSHI.
5. Le Parti CNDD regrette que depuis un certain temps, pour des raisons économiques et financières, certains groupes transnationaux impliqués dans la fabrication et commercialisation des produits pharmaceutiques s’arrogent le droit de saper les activités des jeunes générations qui essaient de trouver des solutions alternatives aux problèmes de santé , entrainant ainsi certains gouvernements corrompus et complices dans la déstabilisation des travaux de recherche de leurs propres citoyens comme c’est le cas d’Alexis HARIMENSHI au nom de la protection de la population alors que c’est suite aux pots de vins de ces grands fabricants et à leur protectionnisme.
Bagumyabanga,
Barundi, Barundikazi mwese,
Ndabaramukije amahoro, iteka n’iterambere!
Ijambo rya mbere na mbere nagomba kubashikiriza indamutso y’urukundo, ndabamenyesha kandi ko ndi muzima nkomeye. Vyongeye, kw’ishaka n’umutima wanje wose, ndacari wawundi, niyemeje ubuzima bwanje bwose kuzoguma ndi Nyangoma azira akagaye n’akarenganyo, iyo biturutse hose.
Nagomba kandi ndabasabe, muri ibi bihe igihugu gisa n’icasubiye ku ntwaro y’umugambwe umwe, ko mwogumana wa mutima rugabo benshi mwamanye kuva CNDD ikivuka kw’igenekerezo rya 24 Nyakanga 1994 gushika n’ubu; kandi mubandanye mugwanira demokarasi n’agateka ka muntu, kugira ntibigende akagirire.
1. Bagumyabanga, Barundi, Barundikazi dusangiye ugupfa n’ugukira, uyu musi, imyaka 24 irarangiye CNDD ivutse. Ni ukuvuga ko umwana yavutse ico gihe atahuye n'ingorane, arahejeje ishure kaminuza. Ntihabuze n'abavutse ico gihe bamaze kwubaka izabo. Iyi sabukuru rero ije mu bihe bigoye, igihugu cacu cugarijwe n’amagume, na canecane y’ubukene butagira uko bwovugwa, ubona n’uko amakungu igihugu cacu yagihariye ivomo. Kanatsinda, ubusuma n’ubunyonyezi, ubuhumbu, ububegito n'ibindi bibi vyose na canecane uguhonyanga agateka ka zina n’amabwiriza vyasasiwe indava n'ubutegetsi.
2. Uyu musi rero si umusi usanzwe, kuko imyaka 24 si mike, ni ikiringo umuntu canke igihugu gishobora kuba caranguye ibikorwa bitari bike. Nico gituma mwompa akanya tugasubira tukibukanya ihangiro nyamukuru ryatumye dushinga CNDD, kuko benshi, na canecane mu rwaruka, ivyo bavyumva nk'umugani, nka kahise. Barakunda kubaza bakuru babo ico twagwanira? Bati umwansi wacu yari nde? Twashitse kuki? Haracariho inzitizi z'ico twaharanira? Hokorwa iki kugira ziranduranwe n'imizi muri ibi bihe? Imigambi dufitiye abarundi ni iyihe kugira igihugu gisubire koko ku ngendo ya Demokarasi?
3. Bagumyabanga, Barundi, Barundikazi; Nk'uko benshi muri mwebwe babizi, hari nk’aya mango kw’igenekerezo rya 24 z’ukwezi kwa Nyakanga mu mwaka wa 1994, hafi inyuma y’umwaka umwe Ndadaye Melikiyoro agandaguwe, igihe Abarundi bahurikiye mu migambwe myinshi, abandi ku giti cabo, bakorana, bakiyungunganya bagashinga umuhari CNDD ari wo: Inama y’Igihugu Igwanira Demokarasi, hamwe n’ishami ryawo rya gisirikare FDD-Intagoheka. Abo bose bari bashegeshwe n’intwaro z’igikenye n’agahotoro zari zihejeje kunigira mu menshi demokarasi, mu kugandagura Umukuru w’Igihugu Melikiyoro Ndadaye, ku wa 21 Gitugutu 1993, umurundi wa mbere kuva Uburundi bubayeho yari yitorewe n’abanyagihugu kugira arongore igihugu. Umuhari CNDD n'ishami ryawo rya gisirikare FDD, kuva bikivuka rero, waciye wiyemeza kuremesha urugamba rwo guhabuza demokarasi yari ihejeje kunigirwa mu menshi. Abawugize baritanga batiziganya, n’Abarundi isinzi barawuhurumbira, mbere imikangara y’imisore n’inkumi bemera n’ukwitanga kugeza no ku buzima bwabo. Nkako, ico gihe nta kindi cari gisigaye, atari ugushira mu migere, kubera yuko abo twahangana aho kwisunga amategeko bakoresha inguvu n'inkoho; mbere tukaba twisunga intangamarara y’Itangazo mpuzamakungu ryerekeye agateka ka muntu, aho bavuga bati: “Kubera ko ari ngombwa ko agateka ka muntu gakingirwa n’intwaro igendera intahe n’ingingo kugira ngo abanyagihugu ntibarinde gushika aho bagumuka kugira bikureko intwaro y’umukazo n’agacinyizo”. Muribuka yuko n’umuhisi prezida Mandela, intibagirwa mu makungu, tugerageje gusigura mu rurimi rwacu yavuze ati: “Igihe cose, Uwucinyiza ni we yereka uwucinyizwa uburyo yokwigwanira… Ati, Uwucinyiza akoresha igikenye, nta bundi buhinga ku wucinyizwa atari ugukoresha igikenye na we”. Abazi igifaransa yavuze ati “C’est toujours l’oppresseur et non l’opprimé qui détermine la forme de la lutte…Si l’oppresseur utilise la violence, l’opprimé n’a d’autres choix que de répondre par la violence”. Vyinshi muzobisanga mu bitabu n'inzandiko abahinga bari mu bashinze umuhari CNDD bariko barasohora, kugira ukuri kumenyekane. Murabisanga kandi mu masanamu yatangajwe mu kinyamakuru c'umugambwe CNDD gicishwa mu buhinga ngurukanabumenyi: “www.cndd-burundi.com”.
I. INTRODUCTION
La Médiation/Facilitation dans la crise burundaise vient d’inviter le CNARED-GIRITEKA, pour des consultations, après sa tournée à Bujumbura. L’objet de ces consultations est de s’entendre sur l’agenda d’un « prochain round » de négociations, qui aboutirait à la signature d’un Accord devant notamment conduire le Burundi vers des élections crédibles. La présente proposition a pour objectif de donner un éclairage sur le contexte dans lequel vont se dérouler ces négociations, les facteurs déterminants à prendre en considération, les erreurs à éviter et les voies à privilégier pour espérer résoudre durablement la crise burundaise.
II. LE CONTEXTE QUI PREVAUT AU BURUNDI
La crise multiforme qui prévaut au Burundi depuis 2015, suite au 3ème mandat que M. NKURUNZIZA a brigué en violation de l’Accord d’Arusha et la constitution de 2005, qui en est issue, loin de s’estomper s’aggrave chaque jour davantage et ce sur tous les plans : politique, sécuritaire, économique, les violations des droits de l’homme, etc. et touche autant la population intérieure que la population en exil.
La crise burundaise s’aggrave d’autant plus que des actions, des lois, des événements hautement politiques viennent de se passer tout récemment, risquant de compromettre définitivement les pourparlers en cours, qui du reste battaient déjà de l’aile, pour plusieurs raisons.
Nous commenterons dans la présente proposition les plus dangereux pour le retour à la paix, à la sécurité pour tous et à la démocratie qui doivent passer impérativement par la restauration de l’esprit et de la lettre de l’Accord d’Arusha pour la Paix et la Réconciliation au Burundi du 28 août 2000.
Il s’agit de :
1. La récente promulgation d’une nouvelle constitution qui enterre définitivement l’Accord d’Arusha ;
2. La préparation et l’adoption unilatérale par le seul parti au pouvoir et ses alliés d’une feuille de route pour les élections de 2020, sans créer d’abord un environnement politique, sécuritaire et économique favorable à la tenue des élections crédibles.
3. La nomination précipitée et unilatérale d’une Commission Nationale Electorale indépendante(CENI), juste après l’annonce du prochain round des négociations.
4. L’annonce persistante du pouvoir de Bujumbura et même de la Médiation/Facilitation d’un 5ème round, comme étant le dernier round des négociations, alors que les négociations n’ont jamais réellement démarré.
5. La dégradation de la situation socio-économique et politico-sécuritaire ainsi que les violations massives des droits de l’homme au Burundi ;
6. L’identification des parties prenantes au conflit et leur inclusivité (partis politiques, société civile et autres groupes y compris les groupes armés), le mode d’invitation, la méthodologie et le cadre juridique des négociations.
1. Depuis la rencontre entre les présidents MAGUFULI de la Tanzanie et Nkurunziza du Burundi en juillet 2017, les réfugiés burundais en Tanzanie ont été de plus en plus invités à rentrer dans leur pays par les autorités des deux pays.
Barundi,
Barundikazi,
Bagumyabanga ba CNDD,
Ndabaramukije amahoro, Iteka n’iterambere
1. Uno munsi turamutse duhimbaza isabukuru, twibuka imyaka 56 Uburundi bwikukiye kw’igenekerezo ryo ku wa mbere Mukakaro 1962. Kuri uyo munsi twama twibukanije insiguro y’iryo jambo kwikukira kugira dusuzume intambwe igihugu cacu giteyeko mu kwikukira, mu kugendera intahe y'ubwigenge n'ingaruka nziza bijana.
2. Twosubira kwibutsa gatoya yuko, co kimwe n’ibihugu nka vyose vyo muri Afrika, imbere y’umuzo w’abazungu, Uburundi bwari bufise intahe yuzuye yo kwigenga. Muti gute ? Uburundi cari igihugu ciyubashe, gifise imbibe. Intwaro ya cami yari itunganijwe kuva hasi gushika hejuru. Intwaro yari ifise ingabo z'umwami zakingira imbibe z'igihugu. Abarundi baragwanye n'inteko zitandukanye zo hanze kandi barazitsinze. Kuri Ntare Rugamba baratsinze aba Zulu bateye Uburundi bavuye hanze muri Afirika y'epfo. Mwezi Gisabo yaragwanije Abarabu ba Rumariza bari baje kugira abaja Abarundi arabatsinda.Yaragwanije Abadagi, ariko kubera bari bafise ibigwanisho bicira umuriro bikaze cane baratsinze ingabo z'Uburundi za Mwezi Gisabo, inyuma y'ingwano yamaze hafi imyaka umunani. Ni ho havuye « Amasezerano » yitiriwe aya « Kiganda »yateweko igikumu ku wa 06/06/1903 aho i Kiganda nyene.
3. Abarundi bari batunzwe n'uburimyi n'ubworozi. Bararima bakimbura amahonda, imyumbati, ibijumbu vyinshi, ibigori, inumpu, ibiharage, ubwishaza, amatugu, impande, inkore, amasaka, uburo , ibitoke, intengwa, imyungu, imihiti, n'ibindi vyinshi vyagaburira igihugu inzara kikabaza. Ababishoboye, mu ntara zimwezimwe, barubakira imigina bakaraza utunyabobo n'iswa, kandi yari imfungurwa ngirakamaro ku magara y'abantu. Barorora inka, impene n'intama, inkoko n'ibindi bitungwa. Rimwe na rimwe haraba inzara yatewe n’uko imvura yataze, yaguye nabicanke inzige zahitanye imirima zikayirigita.
4. Uretse kurima no kworora, Abarundi bari batunzwe n'imyuga, bari bafise inganda maze bagahingura ibikoresho bakeneye: isuka, imihoro, ibikutso, ivyakunze, impuzu, uburiri baryamako, intebe, imiti yabo ni iyo ibikoko…
5. Ndetse Uburundi bwari bufise, umuco ushinze imizi kure cane iyo ba sokuru bamuka: hari hategekanijwe n'umunsi mukuru w'uburimyi mu mpera z'ukwezi kwa Kigarama wari rutura wahuza Abarundi bose ku kirimba, ari munsi w’umuganuro kandi wari ufise ihangiro rihambaye.
Bagumyabanga, Bagumyabuntu namwe Ntebutsi za CNDD
Barundi, Barundikazi,
Ndabaramukije amahoro, iteka n’iterambere.
1. Umuhari CNDD, n’ishami ryawo rya gisirikare FDD, twawushinze kw’igenekerezo rya 24 Nyakanga 1994.
Ico gihe, hari haheze hafi umwaka umwe, umukuru w’igihugu Ndadaye Melchior abanyagihugu bari bitoreye agandaguwe. Ko rero, turamutse duhimbaza isabukuru, igira 23 Umuhari CNDD ushinzwe, nagomba mbanze mwese kubatura, indamutso yuzuye urukundo, nongera ndabamenyesha ko nkomeye, kandi ko, umutima n'urukundo mfitiye igihugu cacu na mwebwe nyene, bitahindutse n’intete.
2. Twabonye isi n’ijuru bifatanye, abanyagihugu babuze ayo bacira n’ayo bamira, Umukuru w'Igihugu bari bitoreye agandagurirwa bunyamaswa, mw'ikambi y'igisirikare comukingiye. Ni ho rero, twebwe twari twaragendanye na Ndadaye, tukaba twari tunajejwe kwigisha umugambwe, baca badusaba ko, twoja imbere abanyagihugu kugira, tugarurire igihugu mu nzira y’amahoro na demokarasi.
Nta yindi nzira yari isigaye, twaciye twiyungunganya hamwe n'abandi, bari banyuzwe n'inzira ya demokarasi, turashinga uwo muhari CNDD, n'ishami ryawo ry'igisirikare FDD-Intagoheka, kuko n’abakera bayamaze bati, « Karahara mu ruganda ntibacura », kandi ngo, « Ivyanse mu maguru ushira mu mashi ».
Twararonse imisore n’inkumi, turatangura urugamba. Ntivyari vyoroshe namba, mbere hakaba n’abagiye baratwiyonkorako, bakurikiza iyo nzira nyene twariko turagwanya, yuko igisirikare kitokwivanga mu vya poritike, ari bo b’abo mubona bihagiye ubutegetsi, bakabumatararako, babanje guhonyanga Ibwirizwa Shingiro n'Amasezerano y'amahoro y'i Arusha, kandi ari yo yatumye n’iyo ntambara ihagarara, bakaboneraho gushika ku butegetsi. Ni ho bayamaze bati, uwukize isemu yibagira icarimuteye !
3. Intumbero yacu rero, kwari uguhagarika ubwicanyi, kugarukana amahoro, no kugarukana demokarasi Abarundi bari bitoreye mu Burundi. Twararemesheje urugamba, kugeza aho igisirikare ca Reta twanyinyurana, catevye kikagondozwa kikabona ko, ata yindi nzira atari ukwicara hamwe, tukaganira ingene ibintu vyosubira mu buryo. Harabaye rero ibiganiro i Roma mu Butariyano, kuva mu 1995 gushika mu 1997, ari vyo vyatumye, haba birya vyabereye i Arusha muri Tanzaniya, maze turashika ku Masezerano y'amahoro yitiriwe ay’i Arusha nyene, hakaba hari kw'igenekerezo rya 28 Myandagaro 2000.
4. Kuri iyi sabukuru igira 23, hashinzwe umuhari CNDD n’ishami ryawo rya gisirikire FDD-Intagoheka, ni n’akaryo rero ko, gutereza amaso inyuma, tukaraba iyo twavuye, aho tugeze n’iyo tuja. Mbe irya ntumbero y’urugamba rwo guhabuza demokarasi, muzi ishingiye ku kwubahiriza agateka ka muntu, kureka abanyagihugu bakidegemvya, mu migambwe myishi ata gahato, ata mwana n’ikinono ku vy’igihugu vyose, kubisikanya ku butegetsi mu biringo vyashinzwe biciye mu matora agirwa ata gitsure, ku mugaragaro kandi mu mwidegemvyo, umuntu aravye aho tugeze ntimubona ko biteye agahinda !
